खंत -संपदा म्हाळगी-आडकर १/१७/१०
 
कर्दनाचा दिवस आणि कत्तलीची रात्र होती
मुंबई इतिहासातली मर्दनाची अवस होती
 
कत्तली करीत सुटती विदेशीचे दश खल
परी त्यांना ठेचण्या खाकी ठरली दुर्बल
 
व्यवस्थेची लक्तरे अन शासनाची दुरुत्तरे
होरपळली त्यात देशवासीयांची अंतरे
 
खलांना संहारण्या पत्करली ज्यांनी वीरगती
आज त्यांच्या जाकीटांची होत आहे राजनीती
 
जनता प्रक्षुब्ध अन सरकारे निर्बुद्ध जेथे
रक्त आसवांनी धरित्री शुब्ध आणि क्रुद्ध येथे
 
दहापैकी नऊ मेले, एक खल जिवंत आहे
मात्र आमच्या देशाची न्यायक्रिया संथ आहे
लोकशाहीतल्या “लोक” चा हा खरा अंत आहे
हीच मोठी खंत आहे
Advertisements