माझ्या दृष्टीने विचारांचे ३ प्रकार पडतात. व्यक्त, अव्यक्त आणि शब्दातीत. अशा विचारांना शब्दांकित करण्याचा हा प्रयत्न!
अशाच एका कातरवेळी -संपदा म्हाळगी-आडकर ५/३१/१० आज सोडून काम-धंदा, बसलो निवांत घरी निरव असुनी परसदार पण, आवाज येई कुठून तरी.. अशाच एका कातरवेळी मी दिशेत जातो आवाजाच्या, तो माझ्या मागे फिरी घरभर फिरलो शोधण्यास, अन रित्या हाती माघारी.. अशाच एका कातरवेळी शोधून दमलो, थकून बसलो, आवाज येत राहीला परी जुनाच कुठसा बोल आठवून, [...]
माझे स्मारक नको मुळीच -संपदा म्हाळगी-आडकर ५/१/१० फुकाची स्मारके उभी अनेक विस्मृतीत आणि कित्येक कशाला माझे अजून एक माझे स्मारक नको मुळीच तिष्ठत धुळी-धुरात पुतळे, गुदमरती मेल्यावर आत्मे त्यांना मोक्ष नाही कधीच माझे स्मारक नको मुळीच स्वत:चा साधून स्वार्थ अन जनतेचा दवडून अर्थ कशास करता हा खर्च व्यर्थ माझे स्मारक नको मुळीच [...]
गुढी पाडव्याच्या हार्दिक शुभेच्छा! नवे वर्ष सुख-समृद्धी, आनंद, आरोग्य घेऊन येवो. गुढी पाडव्याच्या शुभेच्छा दिल्याशिवाय राहवलं नाही. गुढी -संपदा म्हाळगी-आडकर ३/१६/१० आयुष्याची करून वाटी गहू जिद्दीचे वजन पेलती ताकद नवी लाभू दे, गुढी ही गगनाला जाऊ दे आशा आकांक्षेची करून काठी गडू आनंदाचा घालून माथी ओसंडून वाहू दे, गुढी ही गगनाला जाऊ दे [...]
ओढ माहेराची -संपदा म्हाळगी-आडकर ३/४/१० आज कुठसे गाठोडे, मिळाले बांधता सामान आठवणी माहेराच्या, त्यांचे गवसले कण घट्ट बांधले कापड, थोडे जीर्ण थोडे जून माहेरच्या आठवणी मी ठेविल्या जपून गुलाबी पत्रे काही, त्यांचे पिवळे कागद निळी शाई उडालेली, त्यांवर आठव सांडून काही मिळाले रुमाल, दिले आईने विणून मऊसर पोत त्यांचा, अगदी तसाच अजून [...]
कहाणी -संपदा म्हाळगी-आडकर २/२४/१० काळामागे धावत जाते पुलाखालाचे पाणी भविष्याचे वर्तमान अन वर्तमानाची कहाणी प्रारंभाला होती भरली, घटिका पाणीग्रहणी नायक राजा आणि नायिका एक दिसाची राणी घरट्यासाठी झटतो राजा, शोधी दाणा-पाणी राणीसुद्धा पावकी निमकी, हिशोबाची दिवाणी कहाणीतला हरेक पन्ना, ना नुसती देणी-घेणी रुसवे-फुगवे, प्रेम जिव्हाळा, कधी रक्ताचे पाणी रक्तातून मग कळी [...]
देवकीनंदन -संपदा म्हाळगी-आडकर २/२०/१० थोडक्यात पार्श्वभूमी: कृष्णजन्मानंतर येऊ घातलेल्या पुत्रविरहाचा शोक देवकी करत आहे. तेंव्हा बाळकृष्णाने तिला कसे समजावले. काहीशी काल्पनिक अशी ही कविता! मम सजल नेत्रांत तुझे रूप साठवून पळभर ना सरला, कसे करू रे त्यजन? मामा असे लडिवाळ हीच जगताची खूण कंस ठरला अपवाद, तुझे माझे हे प्राक्तन तव अग्रज दुर्दैवी [...]
मोगरा -संपदा म्हाळगी-आडकर २/८/१० माझ्या मनातला हा मोगरा फुलावा वाऱ्यासवे विमुक्त तो दूर दरवळावा पाहील शोधू कोणी जर स्त्रोत सुगंधाचा दिसेल ना कुणाही हा मोगरा मनीचा मम साजणास सुद्धा, हा कूटप्रश्न पडावा मग रात्रभर तोही विचारात तळमळावा तो विचारेल मजला, येई गंध मोगऱ्याचा वास हा तुझा का, का नव्या अत्तराचा? [...]
स्वरूप-विश्वरूप -संपदा म्हाळगी-आडकर २/१/१० थोडक्यात पार्श्वभूमी: कौरव पांडवांच्या युद्धात कृष्णाने अर्जुन व संजयाला विश्वरूप दर्शन दिले. ते आपल्यालाही दाखविण्याचा हट्ट राधा कृष्णाकडे करत आहे. तिचा हट्ट आणि कृष्णाने दिलेले उत्तर शब्दांकित करण्याचा हा एक प्रयत्न! तव सहवासे उपकृत मी जरी, सुदैवी मजहून लोक कितीतरी सर्वश्रुता तव सखी मी जरी, निजरूपा तव उपेक्षिता खरी ||धृ|| [...]
दु:ख राधेच्या भर्ताराचे -संपदा म्हाळगी-आडकर १/२२/१० थोडक्यात पार्श्वभूमी: राधा कृष्ण प्रेमाच्या अनेक गोष्टी आपण ऐकल्या आहेत. राधा कृष्णाची सर्वात मोठी भक्त होती. ती विवाहित होती. तिच्या भर्ताराविषयी फारसे लिहिले गेलेले नाही. त्याची व्यथा समजून घेण्याचा हा एक प्रयत्न! असे सुंदर आर्या ती राधा माझी भार्या माझा संसार त्यागून भाळली यादववर्या वृंदावनी नित्य [...]
Identity Crisis -संपदा म्हाळगी-आडकर १/१९/१० काल रात्री चंद्र माझ्या खिडकीपाशी आला चोर पावलांनी आत येऊन म्हणाला चार क्षण बस असा माझ्या संगतीला आज किती दिवसांनी मिळाला वेळ भेटायाला रोज कामातून मिळते कुठे सवड मला महत्वाचं सांगायचं राहून जातंय तुला पाहतोय गेले दीड वर्ष जातोस तू कॉलेजला बोअर लेक्चरला तुझा जीव असतो [...]
जुलै 17, 2010
शब्दांकित
