दारू आणि विनोद

दारू आणि विनोद -संपदा म्हाळगी-आडकर ०७/०५/२०१०

दारू…… मदिरा, ड्रिंक्स, अल्कोहोल कितीही वेगवेगळी नावे दिली तरी दारू ही दारूच! कुणाची काचेच्या ग्लासातली, कुणाची स्टीलच्या पेल्यातली. कुणाची चपटीतली, कुणाची बाटलीतली. कुणाची पेगातली, कुणाची क्वार्टरमधली, कुणाची खम्ब्यातली एवढाच काय तो फरक!

अनेक जणांच्या आपुलकीचा, जिव्हाळ्याचा विषय असलेली दारू…. दारूची आणि दारू ह्या विषयाची मी आग्रही नाही कि पुरस्कर्ती नाही. कोणत्याही दारू विक्रेत्या कंपनीची प्रवक्ताही नाही. पण दारू व त्यातून निर्माण होणारे विनोद हे कोणीही दारू न पिताही एन्जोय करू शकतो. ह्या तिसऱ्या कॅटेगरीतली मी आहे. दारू आणि विनोद दोन्हीमध्ये नशा आहे हे एकच साम्य. असाच काहीसा दारूनिर्मित खुसखुशीत विनोद टीव्हीवर पाहायला मिळाला तो इथे शेअर करत आहे. ‘फू बाई फू’ मधला हा तुकडा पाहून, खूप दिवसांनी खळाळून हसू आलं!  अभिनेत्याच्या अदाकारीला दाद द्यावी लागेल. बऱ्याच वर्षांत प्रथमच पाहिलेला विश्वासार्ह दारुडा वैभव मांगले ह्यांनी अप्रतिम रंगवला आहे.

सिगारेटच्या प्रत्येक जाहिरातीखाली जसे “स्मोकिंग इज इन्जुरिअस टू हेल्थ” असं लिहितात, तसं आता अमेरिकेत दारूच्या जाहिरातीनंतर “प्लीज ड्रिंक रीस्पोन्सिबली” ही ओळ दाखवायला लागले आहेत. अतिशय चांगला उपक्रम आहे, म्हणजे त्याचा उपयोग किती होतो कोण जाणे. (हे सिनेमानंतर राष्ट्रगीत लावल्यासारखंच आहे. राष्ट्रगीत लावण्याचा उपक्रम चांगला पण लोक थांबतात का हो राष्ट्रगीतासाठी?) वैभव मांगले ह्यांच्या ह्या अभिनयानंतर “सो मच लाफिंग कॅन बी टूsss बेनेफ़िशिअल टू हेल्थ!” अशी टीप लिहावी लागेल.

अथवा

http://www.youtube.com/watch?v=r0I-wcWo-qA